囍源古早蛋糕 (Closed)

雖然周街都見到古早味嘅蛋糕，但係要搵到正宗台灣古早味蛋糕真係唔係咁易，今日朋友介紹咗我哋深水埗嘅呢一間古早味蛋糕，係由正式嘅台灣師傅，親身教授，完全可以做到唔窿邊，唔窿底，而且每一底蛋糕都要各三個鐘，先可以製成，食落口，保持返蛋糕應有嘅水份，又鬆軟，而且小糖又少油，令人食過返尋味。至於地點，喺深水埗地鐵站A出口，直行1分鐘就到。而且款式十分之多，有50幾款以上，而且佢哋嘅display，都係用真蛋糕做㗎，唔怕比客人睇到同摸到，而且摸完之後隻手都唔會有油，真係真金不怕紅爐火。而且老闆娘仲話，佢哋每一晚都會有唔同嘅餐單出，如果想買最好打電話嚟預訂，因為佢哋賣得好快，而且每一個蛋糕嘅款式都有限量架，真材實料又新鮮，分量十足，攞起手都十分之重身真係餡料爆滿㗎。而且仲可以預訂自己鍾意嘅口味，兩件起就已經可以訂到㗎啦，有朋友生日過嚟買返個真係一流。而且店員嘅服務態度十分之有耐性，會為客人介紹每一款唔同口味嘅蛋糕，今時今日咁嘅服務態度，真係值得學習啊。而且仲可以儲人仔，買夠12個，仲免費可以送多一件蛋糕㗎。