吞POT 雞煲火鍋.住家菜 (山林道) (Closed)

食過返尋味呢句說話真係冇錯，自從上次同朋友在尖沙咀食過吞POT火鍋，成日回味佢哋嘅湯底，真材實料好好味，今晚就與同事放工去回味一下！上次試咗魚湯好好味，今次就試吓招牌螺片濃雞湯，湯內有不少螺片，雞湯非常香甜，的確真材實料又滋補！同事唔食牛肉，所以要了西班牙頂級黑豚梅肉，梅肉色澤鮮紅，非常新鮮，厚薄適中，脂肪分布平均，肉質鮮嫩，肉味香濃。自家製鮮蝦雲吞，皮薄餡鮮，每隻都有爽口的鮮蝦。食火鍋當然離不開啤酒！