火鍋揀咗麻辣同杏汁豬肺鴛鴦湯底，麻辣味啱啱好唔會太麻，而且湯中仲有豬皮豬紅支竹，
絕配；那邊廂飲咗幾啖豬肺湯感覺幾潤又夠味，
豬肺白雪雪都洗得幾乾淨。
安格斯
剩係睇圖都唔洗解釋咁多，油脂分佈靚仔，8秒就入口即溶。
肥鵝腸
明顯新鮮肥美，如果鍾意食肥真係啱晒，而且真係每一條都爽脆彈牙，最正係夾埋啲豉油芫荽䓤一齊食，極之重口味。
響鈴
雖然我食嘅唔係即炸，但用料豐富，唔會散收收，鎖水力十足。
韭菜餃
外觀飽滿靚仔，肉汁鮮美，整體味道不過不失，如果內餡中有蝦就更加豐富啦。
手打丸
我哋揀咗雙拼墨丸同芥末墨丸，兩者都同一彈牙爽口，而且內裏有墨魚粒，增加口感，至於芥末味嘅就係多一添新意，感覺都唔錯，又唔會太辣。
呢餐的確係用咗良心食材，靚料之餘又乾淨，所以先話係真材實料。
