大廚料理 (Closed)

平時自己都好鍾意食私房菜 因為我覺得私房菜嘅廚師做嘅嘢都係真材實料又好食 所以我成日都會搵下唔同嘅私房菜去食 今日終於畀我喺網上面搵到一間我自己覺得非常之滿意嘅私房菜餐廳 地點仲要喺觀塘非常之方便 樓下泊車都唔難搵位 約朋友過嚟就啱曬過到嚟環境都算幾唔錯 私房菜嚟講都算高質素嘅環境 嘢食方面都非常之出色 首先我要講下個燉湯真係非常之入味同埋有火喉 飲落去嘅時候個喉嚨係好舒服嘅 然之後就到咗一啲小食例如係蟹鉗 全部都係新鮮炸出嚟嘅所以全部都係熱啦啦 然之後應該就係呢度嘅招牌菜花膠扣鵝掌 超級入味好食開胃 佢個汁亦都非常之正 送飯真係一流總括嚟講呢度無論係地點定係環境 都算係高質素嘅 再加上呢度嘅嘢食真係無可挑剔 絕對值得一試