阿里山台式美人鍋 (Closed)

專程陪亞婆去買廖孖記腐乳;行過附近上海街見有間阿里山台式火鍋,門口Menu好吸引，同佢老人家一齊上去試試。上到一樓天花頂掛著多盞紅燈爖，更顯台灣民族色彩；凍櫃內放滿啤酒、有多間獨立房間，適合節日親人團聚、朋友聚舊，麻雀耍樂，房間有大細size,可任君選擇。美人鍋係主打鍋之一，鍋底有成隻烏雞，配料有養顏桃膠，保氣嘅黨芯、北芪同藍棗等等，當然要非試不可；湯入口陣陣保健藥材香味，有多舊桃膠，囗感滑流，我倆連烏雞肉都清到一乾二淨。西班牙黑豚肉，色澤光鮮，甘香肉味。亞婆最鐘意食韮菜，所以點咗手打韮菜餃子，韮菜餡脹爆；味道唔錯，但餃皮厚咗啲，口感一般。有多纖維素菜之一嘅爽口野生竹笙，可幫助㹘動腸胃，索咗濃湯仲好味。食完仲送埋台灣石榴盤，淸甜香口。農曆年即將快到，一於預早book 定房，約定屋企人嚟食餐團年飯👏🏻。