Video
Read full review
2021-12-09
28 views
近排見好多人都推薦呢間上環小店嘅fusion漢堡！一食果然好有驚喜！除左有最基本嘅熔岩芝士雙層安格斯牛漢堡，仲有泡菜黑毛豬腩、片皮鴨等特色漢堡。餐廳唔算好大，但勝在樓底高，唔會好大壓迫感。特別鍾意個窗邊位，望住街邊人來人往都幾chill~ 啤酒仲有買二送一添！好啱放工黎飲返兩杯。▪️慢煮西班牙黑毛豬腩泡菜漢堡 $118雖然望落黑鼆鼆，但係一咬超有驚喜！豬腩肉經慢煮8小時再燒香，肉質超軟腍！肥膏位入口即化！甜甜地好香口好入味，調味有少少糖醋排骨嘅feel，估唔到加埋泡菜又幾夾。麵包軟熟 烘得幾脆，濕潤度恰到好處，唯獨最底個塊包偏實。▪️自製墨西哥辣椒醬乳酪雞漢堡 $98勁高嘅雞堡！個口完全唔夠大 一啖咬晒全部餡。我就幾鍾意佢嘅自製墨西哥辣椒醬 少辣得黎帶點麻，幾刺激幾惹味！炸雞幾滑喎，不過就無想像中咁厚肉，某部分炸皮比醬汁整腍左。如果炸皮薄脆啲 雞厚肉啲就好啦~ 漢堡加左唔少菜墊底，令包底唔會太濕。平時就唔太鍾意burger加番茄，但今次反而可以增添一絲甜味，中和辣度，又加得幾好喎。配薯條及飲品 +$35($28以上飲品需補差價)薯條粗身，外脆內飽滿。但薯味就唔算太重，同埋擺得耐都係會腍▪️醬
餐廳唔算好大，但勝在樓底高，唔會好大壓迫感。特別鍾意個窗邊位，望住街邊人來人往都幾chill~ 啤酒仲有買二送一添！好啱放工黎飲返兩杯。
▪️慢煮西班牙黑毛豬腩泡菜漢堡 $118
雖然望落黑鼆鼆，但係一咬超有驚喜！豬腩肉經慢煮8小時再燒香，肉質超軟腍！肥膏位入口即化！甜甜地好香口好入味，調味有少少糖醋排骨嘅feel，估唔到加埋泡菜又幾夾。麵包軟熟 烘得幾脆，濕潤度恰到好處，唯獨最底個塊包偏實。
▪️自製墨西哥辣椒醬乳酪雞漢堡 $98
勁高嘅雞堡！個口完全唔夠大 一啖咬晒全部餡。我就幾鍾意佢嘅自製墨西哥辣椒醬 少辣得黎帶點麻，幾刺激幾惹味！炸雞幾滑喎，不過就無想像中咁厚肉，某部分炸皮比醬汁整腍左。如果炸皮薄脆啲 雞厚肉啲就好啦~ 漢堡加左唔少菜墊底，令包底唔會太濕。平時就唔太鍾意burger加番茄，但今次反而可以增添一絲甜味，中和辣度，又加得幾好喎。
配薯條及飲品 +$35
($28以上飲品需補差價)
薯條粗身，外脆內飽滿。但薯味就唔算太重，同埋擺得耐都係會腍
▪️醬油蒜香雞(8件) $58
原本幻想呢個蒜香雞係雞髀啖啖肉個款，但呢個價錢 細細隻都可以接受啦~ 雞肉入味，外層雖然塗有醬油蒜蓉，但炸皮竟然keep到香脆嘅口感。
Post
