Video
Read full review
2022-08-04
119 views
今日去深水埗幫朋友手搬舖，好彩過程非常順利，很快便完成任務，之後由朋友帶路，落左嚟長沙灣呢間「Follow」食晏。餐廳嘅門面好有格調，以矮身紅磚牆和黑框玻璃窗組成。店內裝潢亦令人眼前一亮，環境雅緻舒適，加上門口位置擺放了不少盆栽和綠色植物，非常養眼。餐廳 12:00-17:00 有 Lunch Set 供應，選擇好豐富，共有 13 款，包前菜、主菜及餐飲，前菜可選餐湯或醋汁沙律。是日餐湯係意大利雜菜湯，內有蕃茄、薯仔、紅蘿蔔、洋蔥等，用料十足。沙律菜好新鮮，入口清新爽甜，加上面頭撒上了脆米及提子乾等，令口感更加豐富。主菜點左烤大蝦龍蝦汁蟹肉意大利飯 ($98) 同 燒美國安格斯西冷扒配薯菜 ($142.4)。西冷扒而家做緊八折，非常抵食。意大利飯煮得啱啱好，飯粒軟硬適中，加上吸收左龍蝦汁嘅精華，啖啖滋味。大蝦鮮爽彈牙，蟹肉份量亦不少，夾埋意大利飯一齊食，呢個配搭真係冇得輸，色香味俱全。至於另一客西冷擺碟亦非常精美，用上食用花及和芥末醬作點綴，再伴以意大利青瓜和薯餅粒，令人賞心悅目。西冷可以自選生熟度，揀左7成，牛扒大大塊，外層煎得脆身惹味，肉質鮮嫩又多汁，入口頗為 Juicy，牛味亦很
今日去深水埗幫朋友手搬舖，好彩過程非常順利，很快便完成任務，之後由朋友帶路，落左嚟長沙灣呢間「Follow」食晏。
餐廳嘅門面好有格調，以矮身紅磚牆和黑框玻璃窗組成。店內裝潢亦令人眼前一亮，環境雅緻舒適，加上門口位置擺放了不少盆栽和綠色植物，非常養眼。
餐廳 12:00-17:00 有 Lunch Set 供應，選擇好豐富，共有 13 款，包前菜、主菜及餐飲，前菜可選餐湯或醋汁沙律。
是日餐湯係意大利雜菜湯，內有蕃茄、薯仔、紅蘿蔔、洋蔥等，用料十足。沙律菜好新鮮，入口清新爽甜，加上面頭撒上了脆米及提子乾等，令口感更加豐富。
主菜點左烤大蝦龍蝦汁蟹肉意大利飯 ($98) 同 燒美國安格斯西冷扒配薯菜 ($142.4)。西冷扒而家做緊八折，非常抵食。
意大利飯煮得啱啱好，飯粒軟硬適中，加上吸收左龍蝦汁嘅精華，啖啖滋味。大蝦鮮爽彈牙，蟹肉份量亦不少，夾埋意大利飯一齊食，呢個配搭真係冇得輸，色香味俱全。
至於另一客西冷擺碟亦非常精美，用上食用花及和芥末醬作點綴，再伴以意大利青瓜和薯餅粒，令人賞心悅目。
西冷可以自選生熟度，揀左7成，牛扒大大塊，外層煎得脆身惹味，肉質鮮嫩又多汁，入口頗為 Juicy，牛味亦很重。薯餅新鮮即炸，食落好香脆，熱辣辣，非常美味。
餐飲點左焦糖脆脆咖啡沙冰 (+$26) 同 芒果菠蘿乳酪沙冰 (+$26)，咖啡沙冰味道濃淡適中，內有焦糖脆粒，用料十足。乳酪沙冰打得夠細碎，入口清新酸甜，消暑又回魂。
Post
