Video
Read full review
2016-07-17
938 views
真係完全唔掂，通常唔好食都算，從來未試過咁有衝動要專程登記做會員為咗寫食評 ！真心唔希望再有其它人被「昆」來食呢間嘢！我今晚2千幾蚊點只3斤幾龍蝦（上湯伊麵底），全台人都話未食過咁難食😖😖龍蝦乾到「韌」但係d伊麵「水浸」咁，而且無論d龍蝦又好，d伊麵又好，全部都冇味😓😓完全ruin咗只龍蝦 ！枉佢自稱漢堡集團😏😏最離譜係我已經點好曬餸（7個大人兩個小朋友，點咗7個小菜、1個炒飯+3斤幾龍蝦伊麵底），部長仲行埋來話「新鮮燒起只燒鵝好靚，要唔要返半隻？」（心諗，你冇嘢啊？半隻點食得曬吖？）不過新鮮燒起，難得，要個例牌啦... 結果，新鮮燒起嘅燒鵝，等咗一個鐘頭都未上到台囉🙄🙄🙄！只燒鵝又「鞋」又「韌」，衰過茶餐廳 仲有，叫個一魚兩食，其中一食我食埋甜品都未上（話說已經食咗個半鐘有多）我話唔來就取消佢買單，個部長居然叫我再等等，就得😒😒 大佬，我食完甜品喇，點返轉頭食魚吖😞😞😞order龍蝦嗰時，個個好殷勤招呼㗎，跟住成餐飯，普普通通啦，上菜慢d，都唔算離譜嘅。不過一話取消個上來上去上唔到嘅菜，個個黑面囉😤😤今時今日咁嘅服務態度，唔係吖哇 最後講埋環境同衛生，個Layout好古怪
我今晚2千幾蚊點只3斤幾龍蝦（上湯伊麵底），全台人都話未食過咁難食😖😖龍蝦乾到「韌」但係d伊麵「水浸」咁，而且無論d龍蝦又好，d伊麵又好，全部都冇味😓😓完全ruin咗只龍蝦 ！枉佢自稱漢堡集團😏😏
最離譜係我已經點好曬餸（7個大人兩個小朋友，點咗7個小菜、1個炒飯+3斤幾龍蝦伊麵底），部長仲行埋來話「新鮮燒起只燒鵝好靚，要唔要返半隻？」（心諗，你冇嘢啊？半隻點食得曬吖？）不過新鮮燒起，難得，要個例牌啦... 結果，新鮮燒起嘅燒鵝，等咗一個鐘頭都未上到台囉🙄🙄🙄！只燒鵝又「鞋」又「韌」，衰過茶餐廳
仲有，叫個一魚兩食，其中一食我食埋甜品都未上（話說已經食咗個半鐘有多）我話唔來就取消佢買單，個部長居然叫我再等等，就得😒😒 大佬，我食完甜品喇，點返轉頭食魚吖😞😞😞
order龍蝦嗰時，個個好殷勤招呼㗎，跟住成餐飯，普普通通啦，上菜慢d，都唔算離譜嘅。不過一話取消個上來上去上唔到嘅菜，個個黑面囉😤😤今時今日咁嘅服務態度，唔係吖哇
最後講埋環境同衛生，個Layout好古怪，間嘢係全層，不過冇大堂位，一出電梯就係餐台，d人食完等電梯走就企喺你張台隔離囉... 🤔🤔🤔
埋位慣手勢先用滾水淥下d餐具啦，其中有一隻碗仲痴住條伊麵囉😑😑😑
d所謂招牌菜，個紫薯牛柳，d牛肉「那」得好犀利，冇乜牛肉味，仲有d配菜有少少「叔」味嘅🙊🙊 個南乳雜菜煲就完全冇南乳味囉😐😐 其他小菜都係非常一般...
如果一定要講一樣可取，個椰王燉奶係做得唔錯嘅😋不過唔至於為咗個甜品再來囉，因為話唔錯，同d好食嘅糖水舖比，佢又未至於優勝過人😆😆😆
Post