成班fd叫左碟雞同奶昔 還算ok
另外叫左部隊鍋 真係我整仲好食過佢
啲麵淋到一patpat咁😅
寫呢個食評最大原因係3個字 「服務差」！
首先 ，出餐個男同事好似趕住投胎咁
明明個場坐得一半人 又吾係炒場
啲野食落枱勁大聲，吾知以為去左茶餐廳！
（但另外有個女同事出餐同服務係正常）
最後叫埋單 等左5分鐘都無人黎
一睇 收銀女同事同緊疑似經理既男同事
兩個係到溫傾溫講 無處理過我地request
忍吾住再叫多次埋單
兩個即刻黑晒面叫我地出黎埋單
好似我地阻住佢傾計咁
一句講晒，食物質素吾值呢個價錢
加埋服務咁差 真心無第二次！！！
