今日，我搵到一間，真係好想收收埋埋做自己既珍藏。但係本住都想大家食到好野既心態，一於分享下。
燒雞翼，我鍾意食~~~~燒得香脆既雞翼但係絕對唔會燒到乾柴，味道都算幾好。
超正既餐廳，送左碗枝豆比我地食送酒食~勁大碗炒過的枝豆，好送酒
超Juicy既牛舌，好香油脂味~正正
餐廳主打家庭口味，我就揀左呢個鰻魚飯配茶漬啦！丼飯上面總共四條鰻魚咁多，重要條條都幾肥美下
鰻魚好軟熟好香，勁肥美呀~配埋甜甜嘅鰻魚汁配飯已經食唔停口
差D忘記要食茶漬食到一半，將芥末加入飯面之後再倒入熱茶，鰻魚既芥末既香氣香到爆炸，成個口都係香氣同埋滿足感！
因為有芥末同埋熱茶的效果，所以鰻魚的肥膩感減低左，令到成個鰻魚丼飯更滿足更好食🤤🤤🤤🤤
真心既，$168係香港食到鰻魚飯唔難，但要食到好食既鰻魚飯🤔重可以一飯兩食去享受埋茶漬嘅樂趣！呢個鰻魚丼，真心掂！
鰻魚丼送既燒炙吞拿魚小食~唔錯呀
好味既茶就係茶漬飯既靈魂之一~
份量都好大既北海道丼，材料有三文魚子丶牡丹蝦丶海膽同埋帶子。
最正既就係超大隻既牡丹蝦，超甜同埋爽口既肉質，加上甜甜既蝦膏~超好食
而且三文魚子份量超大，好大方既老細~~
送酒必備的盬辛魷魚，煙韧口感同埋少少的苦味，真係超岩配清酒。
鮟康魚肝真係唔係到到都有得食，食落好香既肝味，但唔會好似鵝肝或者鴨肝個種好重肝味既味道，可能係海鮮的關係，所以肝的味道更清新，配上一口清酒去細細啖地食，真係無得彈~
食到最後，店家送出每人兩粒既蕨餅。自制既蕨餅口感好軟綿綿，配上黃豆粉~好完美既一餐
