Hama Sushi

如果你入去係打算同另一間日本過江龍比較嘅話，我勸你不如食返另一間日本過江龍。因為真係冇得比，係差好多，所以唔洗點排隊就入到去就知咩事。個點餐系統仲要非人性化，越order越嬲。野食亦都唔鮮唔好味，賣相就更加差，份量亦都比另一間日本過江龍少。仲有就係開喺東港城居然連The Point都唔捨得join ，入鄉隨俗都唔識咁就算啦。唔係話一定要比人儲分，只係一整個整體睇唔到依間野有咩優點，想幫佢搵樣野讚都讚唔到。價錢方面，因為份量少，所以普遍叫多左d壽司拉麵黎充飢，所以其實仲貴過另一間日本過江龍，所以總括黎講係冇性價比可言。真心後悔試左，起碼食另一間日本過江龍唔會有太大意見。