真妮 (Closed)

行開新都城見到呢間新開餐廳食burger好似唔錯就決定試下。雙層真妮漢堡呢個雙層漢堡真係好大份而且入面既漢堡扒喺餐廳自己手打既，味道濃郁充滿肉汁餡料方面就有炒過嘅洋蔥，蕃茄，芝士，生菜配上佢哋嘅袐制醬汁加埋一齊食，真係非常夾啊！咖喱蛋包飯配炸雞有四件大大件嘅炸雞，而且炸雞食落肉質嫩滑，配上日式咖喱同滑蛋真係絕配。炸魷魚圈上枱熱辣辣十分香脆可口，食唔停口。日式小丸子面頭鋪滿木魚絲同紫菜絲，咬落外皮脆口。個人比較推介黎呢間餐廳一定要食佢哋嘅漢堡包水準真係唔錯！