Video
Read full review
2019-04-05
731 views
今日下午同朋友過來食下午茶餐. 本人點了乾炒牛河跟熱袖子蜜, 朋友點了星洲炒米跟凍袖子蜜.. 等咗一陣, 先上咗兩杯飲品, 再過不久就點了星州炒米.. 落咗單差唔多 20分鐘, 見我朋友都已經差唔多食完, 我就叫個侍應幫我追一追個乾炒牛河.. 搞咗一輪, 原來乾炒牛河一早賣晒, 但係冇侍應通知我..我見我朋友已經食完, 我就叫佢幫我取消, 準備埋單走... 跟住收銀過來, 問我轉唔轉其他食物, 並叫廚房立即煮畀我.. 我拒絕... 最後個收銀同我講, 話我杯熱袖子蜜要收返正價.... 跟住就埋單走人...
Other Info. :
其實本人跟朋友入座的時候, 侍應都已經知冇乾炒牛河.. 點解仍然可以落單... 仲要唔通知返個客人?? 如果我知道冇乾炒牛河, 我可以即刻轉食其他, 或者去其他地方食...
另外, 其實我叫係下午茶餐, 我並冇散叫乾炒牛河另加袖子蜜.. 因為食肆自己內部做錯, 而將錯誤嫁媧於客人上, 這是否正確?? 本人付款並不代表妥協這次的交易, 只因為本人的確享用了熱袖子蜜, 所以付款是必須的.. 但食肆不懂酌情處理, 亦令本人非常失望...
(The above review is the personal opinion of a user which does not represent OpenRice's point of view.)
Post