靠得住粥麵小館 (MOSTown新港城中心) (Closed)

今日即興想食粥，見到呢間有米芝蓮推介既粥店，所以就入左去。見 Menu 有午市套餐，不過自己想食粥多啲。睇完個 Menu 見啲粥餐價錢同啲飯餐差唔多，個心有個疑惑，碗粥真係好好食收得咁貴？不過見佢係米之蓮推介既粥店，所以就試下係咪貨真價實。最後叫左豬膶魚腩粥跟薏米水，叫之前都唸左一陣，因為自己本身好抗拒食魚，因為自己比較懶唔鐘意吐骨，同埋好怕啲魚腥味。豬膶魚腩粥 : 粥底好鮮甜而且夠綿 ; 豬膶有三大片，好爽口 ; 魚腩就肉質好嫩滑，完全冇腥味，而且重大大件。薏米水都正飲落有少少薑味，消暑又去濕，清熱又降火。果然米芝蓮無介紹錯會再幫襯。👍🏻 👍🏻 👍🏻