時代冰室 (崇齡街) (Closed)

同老公二人去時代冰室撐枱腳，茶餐廳整齊光猛，食得放心。特盛綜合水果茶超級大杯，二人份量，有好多水果，入面仲有奇亞籽十分健康，茶底都好有茶香，沒有另外加甜只有水果本身嘅甜味，健康之選。華田脆脆超級香濃嘅阿華田，加埋阿華田早餐脆脆片，雙重享受。雜扒鐵板一上到枱我哋兩個表示驚訝，真係成座山咁高。豬扒雞扒超級厚，肉類但有少少脆口，唔會話好硬，好意咬開。又有腸仔又有火腿，超級大滿足。時代薑蔥霸王雞半隻雞，佢隻雞大小適中，豉油汁甜甜地加埋薑蔥好好味用嚟撈飯好好味，雞肉嫩滑彈牙。XO醬爆翠玉瓜雲耳炒魷魚XO醬本身個醬汁少少辣有少少甜，不知道是否自家製，但係我老公話個醬汁超級好味。翠玉瓜炒得剛剛好唔會話太林。總括嚟講我哋兩個人先食咗二百幾蚊，一坐低仲送埋例湯俾你飲，超值。