Mammy Pancake

星期六下午，做完瑜珈想搵d小食食下，所以一個人行左去尖東。見到有媽咪雞蛋仔！一個人既小食仲唔係你！媽咪雞蛋仔係聽朋友講過話好好食，一直都想試下但之前次次經過K11 對面果間分店都好多人排隊，今日誤打誤撞係尖東發現另一間分店！係唔洗排隊既！

叫左粒粒雞蛋仔，即叫即整，等左五分鐘左右就有喇～

粒粒朱古力雞蛋仔

$25

拎上手熱辣辣～ 賣相好吸引～雞蛋仔比正常的硬身

咬落去軟林林，入面亦唔係空心雞蛋仔。
真係見識到咩係外脆內軟，加上真係每一粒都有朱古力！媽咪雞蛋仔真係名不虛名

大家想少d人真係推薦你地黎依間分店呀！