3
特色湯底選擇：花膠雞濃湯（自家製）、重慶麻辣湯、老壇酸菜、貴州紅酸湯、蕃茄湯、冬陰功湯
🍜 招牌冬陰功湯小窩米線
泰式酸辣風味開胃湯底酸濃郁，米線用嘅銅碗係小窩形狀方便吸滿湯汁，米線軟糯。
自選配料豐富：鬼馬午餐肉含糯米咬落米粒軟綿配豬肉香味；滑魚片嫩滑冇骨；手工元貝鮮肉餃爆汁海鮮味，海帶絲脆口解膩；蘿蔔軟甜吸汁；通菜翠綠頗嫩。
食完覺得胃口大開，全身暖暢，秋冬天嚟食啱哂～
🍜 貴州紅酸湯小窩米線
地道酸爽湯底用番茄同糯米發酵熬成，紅豔色澤誘人，酸度自然清爽帶微微辣。
自選配料精：自家手打雞肉丸鮮嫩，雞肉味濃郁；鬼馬午餐肉含糯米加嚼勁，食落幾得意；滑魚片薄嫩入味；滑花膠夠滋補；通菜脆口。
呢碗米線酸辣平衡唔重口味，微微酸辣讓人回味！
🍗 淄博脆炸雞翼
淄博脆炸雞翼脆卜卜，過癮。雞翼裹粉炸到金黃，皮層響脆，內裡肉嫩無柴，微微調味過令人停唔到口。淄博風格乾爽唔油膩，童年味道湧上心頭。
🥟 豬皮蘿蔔魚蛋
豬皮蘿蔔魚蛋係街頭經典，豬皮爽彈，配蘿蔔清甜吸汁；魚蛋彈牙無腥，熱辣辣啱晒做開胃小食。
1
