Video
Read full review
2017-10-10
148 views
見到人哋岩岩開，1個好評都未有就無謂劣評人啦...睇睇下各分店comment，原來佢哋服務差係傳統！咁我都無謂吝嗇我今日經歷，寫咗我第一篇食評同大家分享下，願者上釣，不願者明瞭。入到去個刻服務的確唔錯，同行同事一早選擇好，其實我對餐牌內容無咩興趣，未揀好，就等同事嗌先，我再睇。當我未夠時間將本menu 再睇多次時候，1個疑似老闆嘅人出現問我揀好未，態度都客氣嘅，不過使唔使咁快...最後我只揀到個特餐最先黎係我舊多士同炒蛋，多士正常，炒蛋聲稱係3.x牛奶炒蛋，不過好遺憾，我完全feel 唔到個滑字...之後到同事個雞髀飯，份量足，不過味道係無咩特別。等咗陣，出現嘅係另一同事嘅焗飯，望上去好壯觀，但細心留意，應該係個兜太細帶出嘅錯覺...最後出現係我碗麵，正常麵一碗（其實即食麵都好難難食...)基本上我個餐都好難難食，強勁之處係我杯凍好立克！一上枱已經知唔掂，我都明好立克好難沖到好飲，不過我無預過咁難飲...我飲落去，如果你同我講係清水，我會信‼️同事就話可能未溶，叫我再搞多幾下，搞完再飲，呢杯好明顯係奶白色糖水，我決定放棄...以為我因為一杯飲品劣人？請繼續睇...話説我位食焗飯同事用盡九
入到去個刻服務的確唔錯，同行同事一早選擇好，其實我對餐牌內容無咩興趣，未揀好，就等同事嗌先，我再睇。
當我未夠時間將本menu 再睇多次時候，1個疑似老闆嘅人出現問我揀好未，態度都客氣嘅，不過使唔使咁快...最後我只揀到個特餐
最先黎係我舊多士同炒蛋，多士正常，炒蛋聲稱係3.x牛奶炒蛋，不過好遺憾，我完全feel 唔到個滑字...
之後到同事個雞髀飯，份量足，不過味道係無咩特別。
等咗陣，出現嘅係另一同事嘅焗飯，望上去好壯觀，但細心留意，應該係個兜太細帶出嘅錯覺...
最後出現係我碗麵，正常麵一碗（其實即食麵都好難難食...)基本上我個餐都好難難食，強勁之處係我杯凍好立克！
一上枱已經知唔掂，我都明好立克好難沖到好飲，不過我無預過咁難飲...我飲落去，如果你同我講係清水，我會信‼️同事就話可能未溶，叫我再搞多幾下，搞完再飲，呢杯好明顯係奶白色糖水，我決定放棄...
以為我因為一杯飲品劣人？請繼續睇...
話説我位食焗飯同事用盡九牛二虎之力ko 佢兜無味嘅焗豬飯（無錯，係豬，唔係牛），諗住落埋外賣，飲埋杯嘢就差唔多啦～點知我同事攞住佢杯估計仲有3份2嘅餐飲同個疑似老闆講落外賣個陣，佢竟然叫我哋出出邊等，話出邊好多客！就算佢睇唔到我同事手上杯估計有3份2嘅餐飲，都睇到杯飲咗2啖俾我放棄咗嘅凍好立克嘛？
就當佢間歇性失明，話飲埋出去。
唔使1陣，又有個女人走黎我哋面前係咁揚手，叫我哋快d，話有人等緊...
呢個時候你可能會以為我哋係入邊坐住人哋個位3,5,7個鐘；但當我哋拎埋外賣一睇錶，粗略估計由進入到拎埋外賣，成個過程半個鐘多d，請唔好忘記其中一個係焗飯，焗飯不嬲耐d。
對住呢間嘢，我心突然飛出垃圾2個字，食物已經唔好食，價錢唔算平，d 態度仲咁差！態度唔係指講多幾句唔該，係有基本尊重，我唔要求有優越服務，但係應有基本尊重。如果俾錢食嘢要求坐低至用餐完成都唔得，憑咩叫餐廳？
Post