所以一於試食.
6點鐘開始, 6:30PM到. 冇咩人. 個場好冷清.
見到BUFFET PART 既頭盤, 甜品區食物疏落, 生蠔盤, 海鮮冷盤直虛, 有D擔心.
埋位, 先知原來除左果D SHOW出來既食物外, 仲有個大餐牌既野食任叫...
但有個低能位, 就係, 要決定食(西)定食(日), 因為餐牌唔同, 唔可以MIX埋叫. 都唔可以同人地SHARE 食. 否則每位要加HK$200.
0甘我地6個人, 就全西式. 可以SHARE 食.
枱面有麵包, 初初熱都幾好食, 後面凍左食得出有雪過既雪櫃味, 同埋乾身左D.
MENU入面, 我地叫左:
頭盤 : 鵝肝配多士配粟米波蘿沙律, 鵝肝香脆既面, 柔滑既中間, 配脆多士好食. 沙律酸酸甜甜, 開胃. 臨尾真係想再叫多份, 但真係飽到食唔落
亞拉斯加蟹配牛油果芒果沙律, 好食, 鮮甜, 其實蟹肉已經明顯有一大層係面, 但勁甜既蟹肉我估冇人會嫌多的 .
湯: 龍蝦湯: 濃滑, 鮮甜; 磨菇忌廉湯: 磨菇粗粒有咬口但夠菇味; 意大利雜菜湯: 3個湯我覺得最好飲, 香草好香, 味濃, 但唔CHOK喉.
麵食或飯食: 波菜雲吞忌廉汁 (一碟有6粒): 唔會水"DE DE", 唔會淋"BE BE", 雲吞同波菜都好香, CREAM SAUCE 唔會太濃, 偏淡口, 好食!
燒雞雲吞配忌廉松露汁 (一碟有6粒): 好好食!
, 夠香滑, 惹味, 但偏喊, 結果食完ENCORE 再食.
蟹黃帶子天使麵: 完全充滿蟹黃, 唔會腥, 而且食到帶子鮮甜, 好野. 天使麵唔張口, 條條分明, 好食.
忌廉RISOTTO: 唔會太硬, 又唔會太淋, OK啦. 淡口D
主食 (每個主食都配有烤過的蕃茄, 菜同薯蓉, D配菜同D薯蓉超好食, 全部我地都清晒):
炆牛尾, 超淋, 超香, 超入味, 超好食. 牛骨入尾有牛骨髓呢....嘩, 正到爆.
羊架: 雖然我估計煎到9成, 但完全唔韌. 不過唔夠香口. 但夠羊味, 又未必好蘇. 怕蘇既都食到.
煎海鱸魚: 魚皮香脆, 魚肉香滑潔白,不過細佬好彩食到有條骨.
煎銀鱈魚: 同鱸魚差唔多, 不過魚油多D. 正常.
煎牛仔肝: 唯一一樣唔好食既野. 知道牛仔肝好難煮得好. 所以基本上唔使試D個. 除非你好鐘意食灼到又鞋又硬既豬閠啦.
扒類: (每個扒類都係配有烤過的蕃茄, 菜同薯蓉, D配菜同D薯蓉超好食, 全部我地都清晒):
和牛肉眼(每份有2件啤牌0甘大的肉): 正常, 柔滑, 我鐘意食肉眼多D.返食左2次.
和牛西冷(每份有2件啤牌0甘大的肉): 正常, 較肉眼鞋身, 不過肉味濃D, 媽媽反而鐘意食西冷多D.返食左2次.
日本黑豚肉豬扒(每份有2件啤牌0甘大的肉): 正常, 較鞋身, 但未至於咬唔開. 比較有豬肉香味 , OK.
BUFFET PART
頭盤: PARMA HAM, 風乾生牛肉片, 沙樂美腸, 火腿2款, 全部都喊香, 好食.
另外, 用來配既密瓜, 哈蜜瓜, 甜, 淋身, 但面乾爽, 唔會一盤水係底, GOOD GOOD!
有沙律菜, 蕃茄仔, 烤過的蔬菜, 不過有咩特別.
生蠔盤: 有8款生蠔. 雖然細只種, 但超甜, 超新鮮, 爽口. 有喊有淡口的. 超好. 好既程度如同去蠔BAR ORDER 蠔既程度. VERY GOOD. 諗起都想再食.(如果鐘意食CREAMY就唔岩你了, 因為8種都是超爽口的.)
海鮮冷盤: 長腳蟹, 蟹0鉗, 青口, 扇貝, 翡翠螺, 龍蝦尾, 全部都甜, 好食. 係龍蝦尾差DD.
甜品區: 最失望, 叫做最好食係MARCOON, 其他既NO GOOD 了.
整體:超好食. 一定要再食. 真係好希望酒店甜品有改善, 0甘就PERFECT 了!
補充一點: 因為係落ORDER, D WAITER 又要落單, 又要上菜, 又要收碟, 超忙, 明顯唔夠人手, 所以每次落單同埋加水都要叫幾次同埋要等LOR.
同埋落ORDER 呢, 平均都要等15-30分鐘LOR. 不過係一次上晒的. 所以都幾矛盾, 一次過叫晒, 就唔使等0甘耐, 但D野上就會凍晒LOR. 大家自己取捨下啦!
星期一至四, HK$428 加一, 星期五至日及紅日HK$468加一, 好彩有OPENRICE COUPON,
而家折埋一人HK$366, 抵! YEAH!!!
