滷府 (Closed)

今日約好朋友喺側魚沖食晏，怎料他說突然要開會不能跟我外出食飯，唯有買外賣到他公司食呢! 他說附近有一間老虎賣鹵水好好味叫我買來試一試，原來係“鹵府” 和老虎同音。這間店舖細細間但係很整潔只作外賣， 我選擇咗他們的特選鹵味飯68蚊 ，店員說套餐飯裏面已有半隻鹵蛋、味菜同豆腐， 看見鹵水墨魚好吸引，原來可以加20元一両試下加餸， 套餐包熱飲，加8蚊可以選擇特飲我選擇了紅豆奶茶。他們的外賣包裝已經好吸引全部環保素材，包裝設計都好靚。打開飯盒真係覺得好豐富， 鹵水墨魚有鮮味口感軟淋，五花腩肉肥瘦均勻完全唔會覺得肥膩，猪耳朵爽脆，他們鹵水汁掌握得很好不會太鹹太濃，没有遮蓋食物原有味道，另外鹵蛋、豆腐同酸菜都很好味，送飯一流。值得一讚這杯紅豆奶茶沒有想過這間小店做出來的奶茶有茶餐廳水準，配上微甜嘅紅豆整杯特飲出色。這間“鹵府”無論環保概念味道都掌握得很好，真係要多多支持這類原創小店。