川之味麻辣米線 (Closed)

米線團出動，黎到太子既川之味。呢度既十小辣唔係最細既辣，相反，一小辣先係。聽講呢度既辣度比起出名個間連鎖米線係再高d，於是我就簡左二小辣，比我既感覺係佢係麻的，不過相信可以再挑戰多一度。加左杯凍樽茶，不過平時都係食完先飲既我，今次都一樣。至於炸醬，係唔辣既，反而係甜。而且味道好似珍珠雞入面個隻肉碎既醬味，好有趣。呢碗就係二小辣米線，係我既印象中，佢既辣、米線都唔係印象深刻既野黎，所以我覺得佢出色係佢既麻味，反而配料個d我就無話特別鐘意。食完真係好飽，雖然話就話可以挑戰再辣d，但因為佢米線本身唔太吸引我，所以未必會返兜了。不過，對於鐘意麻既朋友，真係必試之選，因為佢真係我試過咁多'麻'辣米線入面，最有'麻'既感覺。