有鑊氣-酸菜魚 (大全街)

Open Now

Now Closed

每道菜都夠晒份量，又夠鑊氣，味道又好，最緊要價錢貼地🙌🏻必試冰鎮咕嚕肉！一上菜，底下嘅乾冰飄出黎嘅煙令成件事好啱打卡～咕嚕肉外層冰鎮住，造成外脆內軟外冷內熱嘅效果！而且甜酸到調配剛好，再加埋啲青提子，超級好食🙌🏻酸菜魚又係正～叫左一份鱸魚例牌，都幾大條。魚肉夠滑唔多骨。湯底好好味，夠酸夠辣，仲有芝麻香。配料有寬粉、豆芽，椰菜花等。紅酒燴牛尾，牛尾好腍，帶有少少紅酒香。如果蒜蓉包可以再脆脆啲濃味啲就更好～乾隆鹽水鵝皇，鮮嫩爽口，一啲都唔覺肥但又唔會乾身，可蘸白醋或沙薑食。仲叫左個椒鹽鮮魷（食小菜必叫）同啫啫通菜煲～平時都成日滿坐，最好早啲訂定位～