兩個人諗住食好d, 於是叫多d, 諗住大不了拎走, 點左
1. 糯米蓮藕 --- 好普通 ($$唔係好記得)
2. 乾燒明蝦球 --- d蝦唔算新鮮, 個汁杰到似鼻涕, 個味又唔出, 但係夠膽收 $158!!!
3. 蔥燒海參 --- d海參腥嘅, 已經算係最正常個餸 $98
4. 蒜香骨 --- 呢個真係食到火都嚟,
食左兩三件後咬咬下發覺d肉裡面有d生, 於是問d waiter 攞把刀, 切開埋淨番個幾舊, 中間都係8成熟, 
嘩大佬呀!!! 呢d唔係和牛呀, 容セ易生虫架?! 好明顯就係個廚掌握唔好火喉, 外面燶裡面生, 都算, 多一事不如少一事, 食左d食得嘅部份, 剩番大約1/2, 就叫個姐姐收走, 但就唔想佢地下次再係咁食壞人, 就同個姐姐講(指住果d紅肉): "有d係生嘅", 點知個姐姐二話不說, 就拎左去擺垃圾位, 另外d姐姐就收左入去. 大家當冇事發生... 嘩有冇搞錯?!!!!!! 呢d叫賣野俾人食嘅地方咩???? 知唔知自己係度做咩架?!?!?! 有d姐姐就客氣d, 但就俾個害群之馬映衰哂啦!!!
好老實, 出街周圍食飯咁多地方, 真係未試過一間咁嘅..... 如果可以, 我真係會俾一百個差囉...
唉......
