麵道 (Closed)

住得沙田嗰頭都實知而家最多嘢食而又冇乜國内遊客既，就得返石門個京瑞廣場。 講真越開越多嘢食，大部份性價比高，咩菜都有，認真唔錯。今次揀左馬鐵口一出就係既麵道，入到去人唔算多半滿，但2個人都係安排坐bar枱，鐘唔鐘意見人見智。餐牌選擇不多，啱哂有困難人士。嗌左原味豚肉豬骨湯拉面，辛辣豚肉豬骨湯拉面，煎餃，天婦羅雞翼。10分鐘唔駛麵到，溫馨提示要將辣球混入面食，撈到一半已經嗅到超香豚肉味，係超香！！！！皆因全部豚肉都上枱前再用火槍燒過，油香到真係叔叔不行了。湯味道夠濃夠潔，豬骨味香，面軟硬適中，糖心蛋夠水準。小食正常發揮，小弟就覺得個天婦羅雞翼，其實應該係就咁似炸雞排既炸雞翼就麻麻，反而女朋友就覺得嗰個好味…Anyway 面80蚊碗，枱前有自助前菜，有需要可以自己磨生蒜，絕對係拉面必吃之選。