五代同糖 (Closed)

一連幾日公眾假期, 梗係約吓朋友食嘢啦! 我哋四個女仔傾計最好食甜品, 朋友推介五代同糖話喺飲食男女睇過話好正, 咁我哋就去試吓啦! 十一點去到大排長龍, 好在都好快輪到,仲係卡位, 我哋叫咗招牌心太軟配雲呢拿雪糕, 蘋果脆脆, Oreo 木糠布甸, 焦糖燉蛋及椰子雪花冰! 木槺口感一流四個人唔夠兩分鐘食晒, 焦糖燉蛋好滑,而且底嗰度有好多雲呢拿杍!落重料正正正, 雪花冰我麻麻地不過朋友話好食過嗰閒雪花冰專門店, 等咗六分鐘到蘋果脆脆到香到不得了, 士多啤梨同蘋果好夾再加上面頭的脆脆, 超好味! 主角心太軟都唔使多講一切開啲朱古力好似瀑布咁, 加埋雪糕一熱一凍, 俾起而家啲西餐廳的跟餐甜品都不知高幾多班, 最後尾我哋班大食怪都忍唔住再order 多個心太軟!! 哈哈到後尾俾錢朋友發現咗個雞蛋殼布甸, 不過老板娘話巳經賣晒, 每日限量發售不過下次可以打電話預訂, 我己經決定下個星期帶埋為食魔王一齊嚟, (仲要帶埋相機) 到時再同大家分享!!