老川皇川菜風味館

Open Now

Now Closed

呢度真係好有特色，特色在於夥計們主動帶動餐廳裏面嘅熱鬧氣氛，推動到食客講嘢都要大聲啲，令到成間餐廳都好似好熱鬧咁。仲有記得安咗 WeChat 先至好嚟，佢哋嘅落單QR已棄Chrome 投 WeChat。免費口水雞，同阿姐溝通吓糊裏糊塗就享用得到㗎啦。免費嘢，細細碟過下口癮OK嘅。魚香茄子，茄子真係好肥美，好大碟，成隻肥矮瓜俾晒你。樟茶鴨，雖然細細碟，但係都好好肉。四川擔擔麵，湯底雖然清清地，但係個麵質又幾煙靭好味。夫妻肺片，有胃好大碟真係要夫妻兩個人先食得晒。白菜豬肉餃。好奇怪呢一間分店只係做白烚，冇得煎。唔開心嘅，即管喺度同啲姐姐溝通吓，會令你笑顏常開 煩惱盡消。