Video
Read full review
2015-04-28
650 views
同朋友諗住近近地食飯, 又唔想太多人, 就揀呢個冇咩人既商場。點知錯了,, 我地7點幾去到,呢間富臨都已經有人龍。D人大部份係去食小菜, 望落係幾抵, 有1蚊1隻雞, 幾十蚊1個冬瓜盅。但我地一心想打邊爐, 又見佢有任食$128埋單全包價咁就諗住試下。等位等左都差唔多45分鐘, 其實等攞飛都等左10分鐘。好明顯樓面既人手係嚴重不足。D碗同餐具污糟就預左既, 畢竟酒樓佢都預你自己洗多次架啦,,但係感覺始終唔係幾好。好似食緊人口水尾咁...一坐低就叫左個胡椒豬肚雞煲, 隔左一陣個侍應行埋黎望一望, 跟住就話 "丫, 唔知有冇落到單呢...."我地都滴晒汗... 你無啦啦咁講,,, 跟住我地就係咁追其他樓面問啦,因為都等左幾個字喇...後尾其中個侍應係好好既, 佢不停幫我地追單, 服務質素真係冇得頂。要比個LIKE佢! 係成餐飯最值得讚既!好, 講返個煲, 千呼萬喚此出來.. 見佢一黎都熱騰騰都急不及待喇, 因為都8點半,,好肚餓!試左D豬肚先, 個味道其實都OK既, 跟住朋友食左舊雞。一咬..發現原來係未熟既...即刻lur返出黎....認真講, 真係冇諗過係酒樓既野, 放得上枱竟然會係未
點知錯了,, 我地7點幾去到,呢間富臨都已經有人龍。
D人大部份係去食小菜, 望落係幾抵, 有1蚊1隻雞, 幾十蚊1個冬瓜盅。
但我地一心想打邊爐, 又見佢有任食$128埋單全包價咁就諗住試下。
等位等左都差唔多45分鐘, 其實等攞飛都等左10分鐘。好明顯樓面既人手係嚴重不足。
D碗同餐具污糟就預左既, 畢竟酒樓佢都預你自己洗多次架啦,,但係感覺始終唔係幾好。
好似食緊人口水尾咁...
一坐低就叫左個胡椒豬肚雞煲, 隔左一陣個侍應行埋黎望一望, 跟住就話 "丫, 唔知有冇落到單呢...."
我地都滴晒汗... 你無啦啦咁講,,, 跟住我地就係咁追其他樓面問啦,因為都等左幾個字喇...
後尾其中個侍應係好好既, 佢不停幫我地追單, 服務質素真係冇得頂。
要比個LIKE佢! 係成餐飯最值得讚既!
好, 講返個煲, 千呼萬喚此出來.. 見佢一黎都熱騰騰都急不及待喇, 因為都8點半,,好肚餓!
試左D豬肚先, 個味道其實都OK既, 跟住朋友食左舊雞。
一咬..發現原來係未熟既...即刻lur返出黎....
認真講, 真係冇諗過係酒樓既野, 放得上枱竟然會係未熟既...
其實我地都對跟住落黎既任食配料都冇咩期望, 不過有幾款實在係太經典, 不得不同大家分享。蟹柳 - 唔可以話唔好食, 不過口感同味道完全唔係平時食開既蟹柳。合埋眼食既話唔會估到係蟹柳。
餃子 - 完全係攤到溶晒, D皮係溶晒, 想夾都夾唔起... 最後只好放棄...
最後埋單, 3個人4百幾蚊, 唔知佢點計, 但就一定唔係好似poster講既$128全包囉...總括黎講呢間野既任食火鍋真係唔會有下次...
Post
