All Day Coffee (圍方) (Closed)

真係「隱世」咖啡店，因為係一間賣手作自家品牌鋪頭入面，唔行到盡頭都見唔到。起初入去係睇袋，因為有好多香港品牌。點知仲有咖啡飲，行到攰，有得坐就抖下先。木系裝潢，枱櫈近大玻璃，有啲陽光，好舒服，食下飲下望下風景，唔錯。☕Dirty 天氣熱時喜歡飲Dirty，貪佢無冰，不太冷又滿足到想飲凍飲嘅心態。裝係標準凍杯中，相對細杯，我自己就鍾意再濃啲咖啡味。🍰伯爵茶芝士蛋糕淡淡茶香，軟滑芝士，配上輕盈餅底，一啲都唔漏，食多件都得。