Video
Read full review
2004-09-08
1 views
以下係一段我同友人既真實經歷：星期五晚六點半去銅鑼灣峰壽司位，張飛94，叫到37。好，去行街飲咖啡，每半個鐘check 檯一次。如是者去到八點半，話叫到88。拿拿臨返去咖啡店野走。五分鐘內返到去再等。跟手等左五分鐘無再叫檯。聽見門口妹妹仔同人打牙跤話試個5 分鐘可以叫200 張檯(有無搞錯，無人應都無可能叫得咁快掛？你曉rapping 架？) 有d 不祥預兆。再問。死勒，叫到100。妹妹仔話過五張(叫到99 都仲可以比)，你再排過丫。我話唔係丫嘛？佢大大聲話："你問下其他人我應該比唔比張你？"。當堂其他人都話唔係呀化，差一個把，等左兩個幾鐘就咁態度叫人走。火都黎埋，我朋友叫佢佢經理出黎。佢入去同門口收銀個女人講。個女人眼尾都唔"餿"下我地，猛擰頭。其實我地都已經無心情食，不過你態度好講聲"sorry，下次幫襯" 或者叫我地再排多十張我地條氣都順丫？妹妹仔出黎話唔得。我朋友話我唔難委你，你叫個經理(門入面個女人) 出黎。跟手個女人都係望都唔望下你，叫條執緊十八九歲既靚仔出黎認經理。全部人由頭都尾都無一聲唔好意思。女經理直情乜樣都唔知，因為無正眼望過我地。費是無埋風度，我拉我朋友走，我朋友
星期五晚六點半去銅鑼灣峰壽司位，張飛94，叫到37。好，去行街飲咖啡，每半個鐘check 檯一次。如是者去到八點半，話叫到88。拿拿臨返去咖啡店野走。五分鐘內返到去再等。
跟手等左五分鐘無再叫檯。聽見門口妹妹仔同人打牙跤話試個5 分鐘可以叫200 張檯(有無搞錯，無人應都無可能叫得咁快掛？你曉rapping 架？)
有d 不祥預兆。再問。死勒，叫到100。妹妹仔話過五張(叫到99 都仲可以比)，你再排過丫。我話唔係丫嘛？佢大大聲話："你問下其他人我應該比唔比張你？"。當堂其他人都話唔係呀化，差一個把，等左兩個幾鐘就咁態度叫人走。
火都黎埋，我朋友叫佢佢經理出黎。佢入去同門口收銀個女人講。個女人眼尾都唔"餿"下我地，猛擰頭。其實我地都已經無心情食，不過你態度好講聲"sorry，下次幫襯" 或者叫我地再排多十張我地條氣都順丫？妹妹仔出黎話唔得。我朋友話我唔難委你，你叫個經理(門入面個女人) 出黎。
跟手個女人都係望都唔望下你，叫條執緊十八九歲既靚仔出黎認經理。全部人由頭都尾都無一聲唔好意思。女經理直情乜樣都唔知，因為無正眼望過我地。費是無埋風度，我拉我朋友走，我朋友響佢地面前撕張飛走人。
無錯，我地係唔著在先，你平均一粒鐘去十幾二十張檯。唔夠五分鐘就去十二張檯我地都無辦法。我地知你有你既rule，但係駛唔駛咁串？日本人大晒睇唔起你d 客？你生意係好到做唔切，都唔係咁對個客麻？等兩粒幾鐘，差一張唔比都好聲好氣丫。等兩粒鐘
差一張都無面比兼唔應都費事應你？
如果唔係友人要去食我一定唔等。我一定唔會比錢依d睇唔起客人既人賺。
依篇唔知算唔算係食評。我亦都唔會詆毀佢地d 野唔好食。只不過等大家知到下今時今日有人仲係咁態度做生意。
Post