我先點咗刺身:有三文魚，北寄貝，希靈魚，海膽，生蠔，原隻赤蝦，美式凍蝦，赤貝，馬刀貝，八爪魚，珍寶帶子，泰式生蝦，厚燒玉子，北海道角螺及鮑片。全部十分新鮮。赤貝及馬刀貝質感爽口!生蠔肉厚夠大隻!
珍寶帶子壽司，海膽赤蝦壽司，黑松露玻璃蝦壽司…帶子肉厚鮮甜，海膽味濃赤蝦夠爽，而黑松露味道十分特出，特別係菇菌味超濃。
榴槤炸彈…外脆內軟榴槤味濃， 榴槤粉絲必食!
吉列廣島蠔…金黃色外脆內暖，有海水味道!
芝麻雞翼…熱辣辣, 香噴噴 ,卜卜脆, 冇雪味。
蒜蓉粉絲元貝 …粉絲夠多元貝彈牙蒜蓉味香濃。
鹽燒活海蝦…蝦肉新鮮爽口。
呢度嘅汽水任飲，雪條任食嫁，款式都唔少!
