滿小館 (Closed)

呢個位唔知過咗幾耐終於有新舖開，格局同之前差唔多，都係中菜。點心紙有相機食先logo📷 , 真係估佢唔倒🤣，點心紙俾人畫過，無換新😅有個set lunch , HKD98 /每位，lunch 無乜時間唔想思考，就要呢個。茶有好幾款，要咗個蜜桃烏龍，味似台式飲品店嘅蜜桃紅茶，無烏龍味，有蠟燭heat 住保温👍。《滋味燉湯》熱辣辣，湯熱係好重要嘅👍, 係烏雞湯，不過隻翼係烏雞，隻腳唔係😅😅《花膠扒》都幾大塊，上碟都幾靚，不過檯太細，唔夠位擺。《高湯浸時菜》有少少蟲草花❣, 配白菜仔，菜都幾嫩《瑤柱蛋白炒飯》大概一碗份量，炒得乾身，不過偏淡味。