点心代表 (Closed)

專係同卡通人物crossover既點心代表，已經同好幾款卡通合作過。早排輪到crossover童年回憶 - 蠟筆小新。雖然食物評價一向麻麻，但賣相吸引，係相機食先既年代，一直吸引不少客人。平日夜晚九點，係中環打算是但食啲野，朋友帶我行落位於地庫既呢間舖。店舖環境之大令我嚇一跳，估計平時人流一定好多，先會係中環地段揀左個以前係club既地段。睇相就睇得多，食就第一次。簡單叫左籠燒賣、蝦餃、一碟牛肉腸，同埋當然唔少得係流沙包。流沙包有幾款，好多選擇，有奶黃流心、朱古力流心、牛奶流心等等，每款都係唔同既卡通樣。個人最愛奶黃包，就點左不理不理左衛門樣既奶黃流沙包。呢款其實無一個窿可以流啲餡出黎，不過我地當然都特登係隻豬鼻度整左個流鼻水版。論飲茶既食物質素，係香港地，當然只係中中等等，不過又未至於難食，睇埋食物價錢，亦唔算平。不過款式多樣，卡通人物的確可愛，就睇大家有幾喜燒crossover既卡通人物喇。