Main St. Deli (Closed)

今天想食大大件o既o野，飲大大杯o既啤酒，便找來三五知己來擦一餐。開放式廚房，能看見廚師們為你／妳烹調美食。是典形美國菜式，有沙律、奄列、湯、三文治、漢堡麭、意粉、pizza及一些扒類食品。先來沙律及湯，或要水牛芝士配蕃笳，忌廉湯都幾濃郁。o黎呢度o緊係食三文治同漢堡麭啦，大大件跟巨型薯條，朋友的孩子看見那些薯條，即時目定口呆，那些三文治同漢堡麭真係要用刀叉來享受，因為實在太…厚，三文冶料多漢堡麭牛肉有肉汁，但記得要五成熟呀。跟住來個牛肋骨及雪魚扒，牛肋骨條條大大舊，而雪魚亦非常軟滑，不會太乾。再來意粉及pizza ，意粉煮得o岩o岩好，但pizza 就比較硬唔夠「in un」。到最後o緊係食甜品，眾所周知呢度o既芝士餅出名，但係crepe 都好好味，一定要試。食大大件o既o野，飲大大杯o既啤酒，嘻嘻哈哈，人生一大快事。