呢間應該係我食過咁多吃到飽嘅任食火鍋黎講、目前係最高質、性價比最高嘅一間！
之前我嘅最愛係牛XX
陪男朋友黎買 sim card，黎到先搵食咩，咁一出地鐵站就見到，原來新開嘅！見平平地、又可以食個半鐘，試下囉，點知有驚喜！
其實夜晚食兩個鐘、先 $168，好鬼抵！
揀左麻辣湯底，跟住我哋就出去攞嘢食！
熟食有炸花枝丸，炸甜不辣，炸地瓜球，炸雞扒，炸番薯條。
有肉燥飯、鮮蚵粥。
前菜有木耳、雞翼、蒜泥白肉、雞腎、泰式
鳳爪⋯
係勁多選擇！
打邊爐配料嘅丸、菜，幾乾淨企理，菜都好新鮮。
1
樽裝茶、罐裝嘢飲、最開心係有玻璃樽裝可樂！
手機QR code落單、點牛肉果啲。
佢性價比高，因為啲牛肉好好食，雖然選擇唔多；魚片新鮮。
有個炸蚵仔，即點即炸！
