我地叫左五樣野食。第一樣上嘅就係“”清酒煮蜆“ $128，一放低就已經有陣陣嘅清酒香味撲鼻，如圖所示每隻蜆都好大隻，肥大肉厚， 出奇地個湯底飲落完全無酒精味，而且非常濃郁，入口好滑。
第二個就係“”雞軟骨棒“$48。咬落會食到有啲切碎左嘅雞軟骨。
然之後就到“”超級龍捲風捲“$88。每一件都好大件，我男仔一啖都食唔哂一整件，中間有好大隻炸蝦，仲有芝士， 面頭重鋪左一啲脆脆，增加左多一重口感。
然之後到“”彩虹卷“$116。面頭舖咗三文魚，吞拿魚等等，變相一款有幾種口味，配搭牛油果，感覺就清新一點，健康一點。
最後我地仲點左“”三文魚頭“$78。等左一陣，即叫即整。個魚頭好大份，有好多肉，入面有骨，食時要留心啊。
整體來說餐廳氣氛不錯，店員亦都好好笑容。仲有觀塘，尖沙咀分店，希望有機會試下其他啦。
