Video
Read full review
2017-05-26
589 views
好耐未食過放題啦，今日就同朋友去荃灣過過口癮， 去稻八食放題。估唔到環境咁寬敞明亮，一啲侷促嘅感覺都冇，仲有一大行窗邊位，坐得非常舒適。有唔同價位嘅set供選擇，低至＄158/人 ，高至＄368/人，分別在於會供應唔同級別嘅豬、牛、羊肉，而所有火鍋配料當然係無限任添啦。我哋揀咗＄238嘅餐，因為想任食刺身，點呢個set係最低門檻，比較便宜嘅 $158-$208 set 就要逐件刺身計錢了。肉類方面，$238 set 供應「特級美國穀飼牛」、「美國進口牛肉」、「美國自然豚肉片」、「日本北海道雞片」以及羊肉，仲送「激罕牛白肉」一客，已經好足夠了！差d忘記了介紹湯底，由於朋友喉嚨痛初起，我地揀左望落冇咁熱氣嘅「北海道3.7牛乳牛骨湯」，牛乳味唔太突出，反而牛骨味就幾香濃。其他配料就自己出去拎，選擇都唔少。個人比較推薦烏冬，淥完會有少少好似紅薯粉半透明嘅感覺， 口感煙煙韌韌，一食就知係來自日本的靚料！如果唔係太飽，我絕對會encore! 飲品櫃，雪得夠凍，大路嘢又有，罕見啲嘅飲品都有。而道地出嗰隻蜜桃烏龍茶幾好飲。最後一定要食埋Dreyer's 雪糕！有開心果味同藍莓芝士蛋糕味，仲有其他雪糕糯
好耐未食過放題啦，今日就同朋友去荃灣過過口癮， 去稻八食放題。
估唔到環境咁寬敞明亮，一啲侷促嘅感覺都冇，仲有一大行窗邊位，坐得非常舒適。
有唔同價位嘅set供選擇，低至＄158/人 ，高至＄368/人，分別在於會供應唔同級別嘅豬、牛、羊肉，而所有火鍋配料當然係無限任添啦。
我哋揀咗＄238嘅餐，因為想任食刺身，點呢個set係最低門檻，比較便宜嘅 $158-$208 set 就要逐件刺身計錢了。
肉類方面，$238 set 供應「特級美國穀飼牛」、「美國進口牛肉」、「美國自然豚肉片」、「日本北海道雞片」以及羊肉，仲送「激罕牛白肉」一客，已經好足夠了！
差d忘記了介紹湯底，由於朋友喉嚨痛初起，我地揀左望落冇咁熱氣嘅「北海道3.7牛乳牛骨湯」，牛乳味唔太突出，反而牛骨味就幾香濃。
其他配料就自己出去拎，選擇都唔少。
個人比較推薦烏冬，淥完會有少少好似紅薯粉半透明嘅感覺， 口感煙煙韌韌，一食就知係來自日本的靚料！如果唔係太飽，我絕對會encore! 
飲品櫃，雪得夠凍，大路嘢又有，罕見啲嘅飲品都有。而道地出嗰隻蜜桃烏龍茶幾好飲。
最後一定要食埋Dreyer's 雪糕！有開心果味同藍莓芝士蛋糕味，仲有其他雪糕糯米糍任拎！唔似其他放題咁姑寒，每人限送一粒。
整體黎講都好滿意，環境明淨，食物質素佳，衛生情況亦理想，而且店員都以年輕人為主，態度親切，予人感覺充滿活力！是非常棒的用餐體驗
Post
