營足四季

Open Now

Now Closed

白酒香草牛油大蜆意粉，148蚊份💰大蜆意粉擺盤都好有心思，大蜆圍邊伴碟，大蜆沾上白酒酒香，鮮味十足，加上意粉好彈牙，成個意粉都好鮮味感覺，味道幾好🌊清新柚子煙燻三文魚洋蔥薄餅，138蚊份💰三文魚薄餅有大量嘅柚子醬，清甜嘅柚子醬同香脆嘅薄餅配搭非常夾，三文魚微微嘅燻香同奶柚子相互輝映😋黑松露薯條，68蚊份💰黑松露薯條，每條薯條都炸到香脆可口，點上松露食更滋味😋巨型豬扒配薯菜，188蚊份💰好巨大豬扒，煎到外皮好香脆，肉質厚實有肉汁啖啖肉，唔會乾爭爭，點埋燒汁食味道更佳，配上粗身嘅薯條，薯條即炸夠熱又脆😀朱古力牛角包窩夫配雪糕，88蚊份💰朱古力牛角包窩夫，一啖咬落去，好香脆特濃古朱力味，加雪糕多重口感，朱古力控必點🍫阿華田脆脆奶蓋瀑布蛋糕配雪糕，108蚊份💰阿華田奶蓋被透明紙包住，打開後奶蓋瀑布般蓋住蛋糕，非常有心思嘅造型，海綿蛋糕軟潤嫩口，滑溜順口嘅忌廉好美味😋好雙乳莓莓，48蚊杯💰雙乳就係藍莓同草莓，杯粉紅色嘅特飲，雙莓製成沙冰入口香滑，加埋草莓乾點涰，賣相好吸睛🫐呀婆的秘密，48蚊杯💰婆婆秘密就係清新爽甜蘋果沙冰，加入酸甜嘅鮮檸汁，配搭埋婆婆手切嘅蘋果片，完成特飲🍎