堅韓牛韓燒放題 (Closed)

長假期當然離不開食好西，今次就試下係網上評價性價比高的燒肉放題餐廳堅韓牛！呢間燒肉放題餐廳位於旺角中心，非常方便，由地鐵站步行大約5分鐘就到。講起燒肉，好多人都會擔心衣服沾到油煙，但係堅韓牛嘅設計非常貼心，爐上面會放牛油紙，咁燒緊肉的時候就唔會有大油煙，同時上面仲有抽氣機同埋聽店員講燒盤仲有倒油Function，咁就唔怕因為燒燶而導致大煙。而燒法都有技巧，店員建議只係翻一次就得，每面燒到邊邊開始有少少焦即可以了，唔需要攪到塊牛肉老又製造更多油煙。而如果你係牛魔王，咁就一定要試下堅韓牛各國的靚牛！堅韓牛提供不同等級嘅牛肉，包括澳州M9、1+韓牛、美國安格斯牛同埋香港人至愛嘅和牛，而和牛都有兩款揀，包括A4和牛同埋A5限定嘅奧陸和牛。不同等級嘅牛肉各有特色，但基本上質素都好好。如果你鐘意油份多嘅牛肉，咁就揀A5奧陸和牛；如果你鐘意牛味濃郁啲，咁就揀M9澳州和牛；如果你想要平衡啲嘅話，咁就揀A4和牛啦。而1+韓牛就油花比較少，但牛味則最濃。當然，除咗牛肉之外，堅韓牛仲有好多唔同嘅配菜、熱食、小食、炸物、海鮮、刺身同埋壽司等等。如果要推薦，咁就一定要試下燒芝士無骨雞翼、榴槤炸彈同埋麻薯波波啦，