Video
Read full review
2018-10-07
920 views
我最愛浦盞鬼的、得意的、懷舊的茶記或食店, 呢間位於青衣城嘅電影主題茶記合曬我河車, 最緊要係方便麻, 一出地鐵站就到, 食完飯开工夠曬方便。啲海報真係堅盞鬼今日都係11:00 開工前嚟食 early lunch, 貪呢個時間人流少啲, 影相方便啲。羅麥記以電影為主題, 牆上掛上不同電影角色造型漫畫, 好鬼馬, 座位比一般茶記闊落舒服, 店鋪整潔光猛, 價錢大眾化, 同普通茶記差唔多, 幾好坐。勁多美食…….依間荼記連炸乳鴿都有红豆冰粒粒奶茶 ($38)紅豆奶茶佢唔係第一間出品, 奶茶冰包住紅豆球就系第一次食。個人中意飲奶茶紅豆冰多過齋紅豆冰, 冇咁甜, 仲有醒神凍奶茶飲, 一舉兩得, 可惜唔係間間茶記有。奶茶冰溶掉後便見到幾個红豆球, 有創意, 红豆粒粒完整, 咪以為系硬野, 入口不知幾諗, 煲到绵綿的, 好食又好飲避風塘牛肉河 ($68)今日諗住豁出去, 好耐冇食過邪惡的乾炒牛河了, 叫了碟避風塘牛肉河, 屎未！避風塘牛肉河炒得好乾身, 望落去冇乜油, 加咗芽菜、洋蔥、避風塘辣蒜等配料大火炒, 入口香辣, 河粉質感微彈, 片片分明, 甜豉油都較得好正, 鹹甜適中, 牛肉炒也得軟身,
啲海報真係堅盞鬼
今日都係11:00 開工前嚟食 early lunch, 貪呢個時間人流少啲, 影相方便啲。
羅麥記以電影為主題, 牆上掛上不同電影角色造型漫畫, 好鬼馬, 座位比一般茶記闊落舒服, 店鋪整潔光猛, 價錢大眾化, 同普通茶記差唔多, 幾好坐。
勁多美食…….依間荼記連炸乳鴿都有
红豆冰粒粒奶茶 ($38)
紅豆奶茶佢唔係第一間出品, 奶茶冰包住紅豆球就系第一次食。個人中意飲奶茶紅豆冰多過齋紅豆冰, 冇咁甜, 仲有醒神凍奶茶飲, 一舉兩得, 可惜唔係間間茶記有。
奶茶冰溶掉後便見到幾個红豆球, 有創意, 红豆粒粒完整, 咪以為系硬野, 入口不知幾諗, 煲到绵綿的, 好食又好飲
避風塘牛肉河 ($68)
今日諗住豁出去, 好耐冇食過邪惡的乾炒牛河了, 叫了碟避風塘牛肉河, 屎未！
避風塘牛肉河炒得好乾身, 望落去冇乜油, 加咗芽菜、洋蔥、避風塘辣蒜等配料大火炒, 入口香辣, 河粉質感微彈, 片片分明, 甜豉油都較得好正, 鹹甜適中, 牛肉炒也得軟身, 有牛味, 份量多, 一定食飽2位女士, 避風塘炒好食過一般乾炒牛河。
食完碟底竟然係冇乜油, 少見, 通常食完隻碟底好似啲油唔使錢咁！讚! 讚! 讚! (PS 重要既野要講3次)
麥sir 乳鴿仔 ($56)
乳鴿细细隻, 炸得皮脆肉嫩, 用滷水汁浸過, 夠晒入味。
爆汁乳鴿, 幾 juicy
薄薄的一層乳鴿皮, 既香且脆, 乳鴿肉嫩滑, 無皮下脂肪層食得零捨開懷
懷舊香蕉船 ($40)
又一童年集體回憶, 三色雪糕球, 灑上大量繽紛彩虹糖粒及唧上朱古力漿, 加埋隻笨啦啦, 呢個甜品其實好飽肚, 2人分享就剛剛好。
12點食完走人, 全院滿座了！羅麥記集荼記及大排檔於一身, 價錢合理, 食物好食夠鑊氣, 以後又多一間食堂選擇了。
Post
