祥興記上海生煎包 (花園街) (Closed)

不論行到邊到，就算餓唔餓都好，每當見到祥興記我都會忍唔住叫返份經典生煎包！依家口味好似多左好多選擇，但我都係鍾意傳統口味，正宗由細食到大都唔厭👍🏻每次經過分店輕食叫一份，姐姐都會即刻係個大平鍋到鏟起四隻，有時候多人仲會見到滋滋聲製作既過程。送到埋黎熱辣辣，識食一定要係面頭細細啖咬開個隆，然後吹一吹涼，再慢慢飲左入面滿滿既湯汁先，鮮甜美味，完全唔會覺得鹹😋跟住就可以咬走上方既皮，加入適量醋，再將啲辣醬放上肉面，連埋個底同少量剩餘肉汁，一次過送入口，個口味真係會大大提升！！！肉團新鮮無雪味，亦唔會有筋，最精華係個生煎包底，雖然厚但就係佢特色，超級脆身，整個配搭真係一流👍🏻💯💯