禹小籠 (Closed)

有日經過旺角，成日冇食野又心血來潮想食小籠包。啱啱路過哩間禹小籠就傻傻地拱左入去。叫得禹小籠，咁小籠包應該最出名...掛。咁我就叫左5隻小籠包啦，25蚊。5蚊一隻，emmmmm...送上黎，咬落去其實都係ok既。只不過佢個皮比較厚（其實唔應該用比較兩個字，厚就真係幾厚）佢個肉餡就算係還好，唔特別好食。湯唔算多，湯係有既但肉太乾，吸收唔到湯汁。整體小籠包太乾，進步空間一定有既。整體環境較狹隘，但旺角就係咁架喇。檯面算乾淨，但都可以比返隻羹黎食小籠包唔洗淨係用筷子既。