皓月 (Closed)

早排已被呢間新拉麵店嘅巨型龍蝦拉麵洗版，作為大埔人點都要去試下嘅。佢正位於榕基滷水舊舖，由湯底至拉麵都謹遵北海道拉麵傳統，拉麵更係嚟自本地嘅南天麵廠合作，由日本人創辦及主理，每日都喺葵涌嘅麵廠新鮮生產拉麵。今次食嘅極巨大·海虎蝦拉麵為星期一至五限量供應，而龍蝦拉麵假日先有㗎，期待下次再會。𖦹 極巨大·海虎蝦拉麵 $138巨型海虎蝦經過炭燒，肉質爽口彈牙；櫻花蝦味噌湯底稠厚，加上櫻花蝦油，濃厚惹味，選擇曲身嘅太麵就可以掛滿湯了；欣賞一碗麵竟然有兩款叉燒，火炙腩肉叉燒同慢煮肩肉叉燒各兩塊，合共四大塊叉燒～前者油脂豐腴，肉味濃郁，後者則肉質軟嫩，加上原隻扁嘴溏心蛋，一夾開蛋黃瞬間湧出，整體鮮味十足。𖦹 函館濃鹽拉麵 $89 呢碗拉麵同上面嘅風格南轅北轍，整體偏淡味、清爽，即使湯底加入豬背脂油熬製，亦絲毫不油膩，帶淡雅嘅日本鹽香，配上煙韌嘅硬身白細麵、木耳、荀、叉燒等，啱啱好。𖦹 吉列日本蠔 $39即叫即炸，外皮金黃酥脆，日本蠔非常多汁。𖦹 生梨葡萄梳打 $25選用山梨縣產紅葡萄製成梳打，味道酸酸甜甜，開胃之選。𖦹 白桃烏龍冷泡茶 $15一打開瓶蓋已經傳來白桃香氣，飲落白桃同烏龍茶味平衡得宜，