秋意嘅雞飯早有聽聞，尤其係觀塘總店嘅豉油雞相當有名。原來鰂魚涌都有分店，主打外賣，啱晒屋企開飯一齊share。今次就試咗三款皇牌去骨雞，果然名不虛傳🥰
1
1
Bubu推介🔥 👍 招牌去骨口水雞飯
打開即刻聞到花椒辣香，雞肉嫩滑，去骨食得特別方便。配埋酸辣醬汁、花生碎同黑木耳，口感好豐富。仲有溏心蛋同清炒椰菜，整體好均衡，飯都忍唔住食多兩啖。
👍 秋意去骨豉油雞
雞皮色澤深沉油亮，豉油香氣濃郁但唔死鹹，醬汁鹹香帶甜，滲透到雞肉入面。雞肉滑嫩多汁，就算凍食都唔會覺得鞋，真係一試上癮。
👍 瑤柱去骨貴妃雞
皮薄肉嫩，色澤金黃，入口清爽滑溜。上面灑滿瑤柱絲，鮮味大大提升，好似將貴妃雞升級咗咁。呢款食落清而不寡，長輩特別鍾意。
📍 秋意
鰂魚涌海堤街2號多寶樓地下E5號舖
2
