豪宴薈

Open Now

Now Closed

好耐冇飲茶，約埋同事一齊上皇室堡飲茶食點心，9樓新裝修，光鮮整潔，仲可以望到開掦維園景✨午市時間，都有唔少優惠選擇叉燒腸粉幾出色，個腸粉皮做得柔軟彈牙👍🏼叉燒唔算多，不過有少少芫荽，生色不少福建炒飯粉面點心孖寶套餐，竟然可以選擇福建炒飯，真吸引！炒飯份量都幾多，大大碟，而且賣相幾靚仔，除咗蝦仁之外，仲有帶子粒粒，唔會太鹹，唔錯👍🏼點心方面，最推薦嘅係佢嘅鮮蝦菜苗餃大大隻，皮薄，多汁明蝦角有四粒係幾開心，外皮香脆，但個餡就太過鹹，好彩有沙律醬補救返😄😄燒賣大大粒，豬肉冇乜肥膏，做到爽口多汁效果整體嚟講，午市有優惠組合，環境又舒適，係午餐唔錯嘅選擇😎😎