我地被安排個位有一大隻熊公仔，又有靚花，啱哂打卡。
既然打卡，就食個靚靚火炎牛扒二人餐。
巴馬火腿凱撒沙律
新鮮的生菜拌上凱撒沙律汁，有脆脆地多士粒同埋火腿片，估唔到沙律已經咁高質。
忌廉南瓜湯
南瓜打成蓉，好creamy，入口很舒服。
多士亦有味，很脆口。
招牌龍蝦湯
雖然要加錢，但濃郁的龍蝦味，靚靚嘅賣相，已經值回票價。
干邑火焰牛扒 8安士平鐵牛扒
即席點火嘅火炎牛扒， 打卡一流!
燒埋d 香草， 令到牛扒旁彌漫住淡淡香草香氣。
五成熟嘅牛扒超淋！ 鮮嫩有肉汁！有微微的焦香。勁正！
蟹肉意大利瓜番紅花意大利飯
意大利飯煮得剛剛好，香濃，米有咬口但唔會太硬。入面伴有絲絲蟹肉，滿足感十足。
黃色的飯加上紅色的蟹腳同埋黑色的脆炸魚皮， 賣相滿分！
結論
食物出色，環境亦有特色。
