Video
Read full review
2017-01-25
399 views
一班朋友聚舊，搵左吉日丟掉老公自己出來偷食，有揸的士朋友提議嚟尖沙咀嘅大一打邊爐，之前聽老爺講過，想試好耐啦！入到入面，環境都幾大～仲有幾間獨立房,不過我哋就坐咗係廳嘅位置～一坐低,職員就好細心奉上熱茶一杯，呢杯並唔係普通茶，而係日本嘅玄米茶，茶味很香～另外佢哋仲拎咗啲青色嘅桔仔嚟，原來係俾我哋吱落碟豉油度點食物嘅～今次我哋就叫左一個金湯雞翅鍋做湯底，湯底材料有黑毛豬，雞同翅組成，黑毛豬嘅味道有啲似金華火腿，而個翅一啲都唔野少，足足有六両翅喺入面，淨係個湯底都已經相當有份量！喺未落其他食物之前，真係忍唔住飲咗兩碗，味道非常清，一啲都唔油～打得邊爐，當然唔少得叫肥牛啦~我哋叫咗個頂級新鮮牛切本地肥牛~細細塊易入口，牛味又鮮，而且仲要係牛脊位，非常嫩滑～嚟得大一海鮮火鍋料理，梗係要叫返個剌身試吓～我哋叫咗條海黑立做刺身，條魚超新鮮，片成刺身落枱嘅時候，魚尾仲會郁嘅，真係忍唔住要嘩一聲～呢個真係值得推介!仲有一樣好特別嘅就係魚下巴，平時真係好少食到，亦都冇諗過可以攞嚟打邊爐～估唔到佢咁滑，仲滑過魚個面珠！而且口感仲好好添!呢款真係可以試吓～因為真係好少見~食食吓發現想叫多啲肉食，啱啱又食完牛
一班朋友聚舊，搵左吉日丟掉老公自己出來偷食，有揸的士朋友提議嚟尖沙咀嘅大一打邊爐，之前聽老爺講過，想試好耐啦！
入到入面，環境都幾大～仲有幾間獨立房,不過我哋就坐咗係廳嘅位置～一坐低,職員就好細心奉上熱茶一杯，呢杯並唔係普通茶，而係日本嘅玄米茶，茶味很香～另外佢哋仲拎咗啲青色嘅桔仔嚟，原來係俾我哋吱落碟豉油度點食物嘅～
今次我哋就叫左一個金湯雞翅鍋做湯底，湯底材料有黑毛豬，雞同翅組成，黑毛豬嘅味道有啲似金華火腿，而個翅一啲都唔野少，足足有六両翅喺入面，淨係個湯底都已經相當有份量！喺未落其他食物之前，真係忍唔住飲咗兩碗，味道非常清，一啲都唔油～
打得邊爐，當然唔少得叫肥牛啦~我哋叫咗個頂級新鮮牛切本地肥牛~細細塊易入口，牛味又鮮，而且仲要係牛脊位，非常嫩滑～嚟得大一海鮮火鍋料理，梗係要叫返個剌身試吓～我哋叫咗條海黑立做刺身，條魚超新鮮，片成刺身落枱嘅時候，魚尾仲會郁嘅，真係忍唔住要嘩一聲～呢個真係值得推介!
仲有一樣好特別嘅就係魚下巴，平時真係好少食到，亦都冇諗過可以攞嚟打邊爐～估唔到佢咁滑，仲滑過魚個面珠！而且口感仲好好添!呢款真係可以試吓～因為真係好少見~
食食吓發現想叫多啲肉食，啱啱又食完牛，於是我地就叫咗碟豬食，頂級澳洲黑豚肉～啲豚肉切成薄薄地，一啲都唔“鞋”，仲好好口感添~如果你有朋友唔食牛,可以叫呢個試吓丫~
打邊爐當然唔少得叫下啲菜呀，餃呀，丸呀咁啦~我哋除咗叫咗個皇帝菜之外，仲叫左一個自製四寶餃試吓，四寶餃分別有韭菜餃，雲呑，魚皮餃同水餃，佢哋啲餃全部都係自己包架，真係落足心機，落足料呀！
至於好多人打邊爐都會食嘅響鈴，我哋又點會少咗佢呢～呢度嘅響鈴叫芝味響鈴~用得呢個”芝”,就即係話佢有芝士啦~原來喺響鈴上面有啲芝士粉，食落去有少少芝士味但一啲都唔覺膩~
食到咁上下當然會想飲番杯凍野飲啦，我哋叫咗個粟米鬚薏米水，清甜得嚟又健康～下火，有益!
食飽飽就緊係搵返啲甜品食下啦～蘋果味嘅Sorbet同菠蘿味嘅Sorbet~~個Sorbet賣相相當吸引～佢並唔係用啲器皿裝住，而係個生果嚟架～味道唔會太甜，而且生果味重，小朋友一定鍾意！！
Post
