茶房別天神

Open Now

Now Closed

難得放假，就同媽咪去太古行街街，休息一下，行到夜晚，開始肚餓，我就提議去食太古百貨公司入面嘅日式餐廳，我哋喺Aeon入面咗呢間主打日本拉麵嘅餐廳，叫茶房別天神。我地先叫一個小龍蝦蟹子沙律，估唔到都幾多小龍蝦肉，再同薯仔粒一齊食，唔錯啊！到主食，我同媽咪一人叫一個拉麵，佢就叫蝦味噌豚骨湯麵，我就要豚骨湯麵。媽咪個蝦湯真係好鮮甜，麵條稔度啱啱好；我個豚骨湯麵都唔輸蝕，好重豚骨味，啱哂鍾意濃味嘅我！我之後再叫多一個餃子六隻，個外皮煎到脆卜卜，好正！原來喺百貨公司入面都有好野食，大家要去試下喇！