大瀛喜日本料理 (Closed)

大瀛喜日本料理旺角九龍旺角彌敦道655號5樓放工想去chill 下又想食得飽？今次就搵左一間性價比極高嘅日式放提同朋友一齊食，一入到黎就感受到濃厚嘅日本氣氛，依到唔單止座位舒適，而且環境寛敞，行出去拎食物都好方便。一開始當然由主角食先，刺身有好多選擇而且都好新鮮，三文魚、吞拿魚肥美；北寄貝、油甘魚鮮甜；厚切帶子勁彈牙。壽司、手卷size 都恰到好處，絕對唔會食兩件就飽，非常合適想食鵝肝壽司、海膽手卷但又怕食飯食到飽。炸物、天婦羅全部都即叫即炸，虎蝦天婦羅、芝麻雞翼外脆內嫩；南瓜天婦羅、蟹棒天婦羅爽脆口感；燒物有蒜蓉烤扇貝、燒羊鞍等，熱辣辣，多汁又香口，真係忍唔住食多兩件。食得多熱氣野可以轉一轉口味，食返個壽喜燒牛肉鍋或者北海道牛乳豆腐鍋，湯料十足，清一清油膩嘅感覺。飲品區由幾個大雪櫃組成，一目了然，而且款式繁多，又有氣嘅各口味氣水至無氣嘅烏龍茶，仲有高質清酒，梗有一款啱你。甜品類型亦都好多，又有布丁，又有雪糕、雪條可以揀，全部都好精緻，而且唔濟，可以食多幾款。