百樂小館 (Closed)

媽媽生日要食好啲，去美麗華就最方便又舒服。百樂小館係'潮'食，啱晒媽咪口味！預先訂咗枱，店員招呼殷勤，卡位亦坐得很舒服，前菜有媽咪鍾意嘅潮州鹹酸菜，甜甜地好開胃。滷水鵝片拼盤～ 必吃推介！鵝片肉質非常嫩滑 肥瘦適中 花椒八角的香氣撲鼻 入口有淡淡丁香桂皮的味道 入味得來不會過咸 好好食！ 墨魚片軟熟 厚薄適中。豆腐香滑。五花腩一層肥一層瘦 口感一流！杏汁白肺湯～ 杏汁湯非常濃郁，像杏仁糊般的口感，杏仁味豐溢！豬肺很滑溜 完全是誠意之作：）五香芋絲卷～ 芋頭粉絲必吃！熱辣辣 外面帶點脆 芋頭鬆化 帶點五香味 芋頭好足料 正！紅棗烏豆豬尾煲～ 壽星媽話要試 我原本有點抗拒 覺得好肉酸 牛尾食得多 豬尾真的冇試過！上菜時 遠遠已經聞到紅棗香氣！鼓起勇氣試左一件豬尾 原來又幾好味！肉質都幾腍 而且非常之入味 媽咪食到好高興！清心丸綠豆爽～ 呢個糖水必食！清心丸QQ的 我一向好鐘意 綠豆粒粒爽口 又唔會太甜 飯後甜品的好選擇！壽星媽食得滿足 指明下次想食潮州菜要再來：）