寶業食堂

Open Now

Now Closed

久仰大名嘅寶業食堂之前喺社交平台見到呢一間可以轉任何飯面底嘅寶業食堂，好耐之前已經諗住去試，但係上一次去到竟然喺門口有個告示寫咗因為業權變更而需要停止營業，真有啲唔開心。咁啱早兩日又行過食堂門口，發現佢竟然重新開張，仲有新張優惠所有炒粉麵飯都係$50仲送凍熱嘢飲，即刻入去試吓我哋嗌咗鼎鼎大名嘅乾炒牛肉通粉，同埋粒粒午餐肉炒通粉。因為兩個炒通粉都係差唔多味，淨係有slightly different ，所以一齊寫。佢除咗主菜之外，佢仲有芽菜雞蛋同洋蔥一齊去炒，兩個炒通粉都好有鑊氣，炒得好乾身好入味。$50嘅價錢嚟講我覺得係一流，不過佢唔算好大碟，如果一個成年男子嚟講可能會有啲唔夠飽。